सौगात, गीताञ्जली र अनुप स्टारर ‘जार’को टीजर ट्रेलर रिलिज

काठमाडौं । इन्द्रबहादुर राईको चर्चित नाटकमाथि बनेको फिल्म ‘जार’को टीजर ट्रेलर शुक्रबार इन्टरनेट रिलिज भएको छ ।

सौगात मल्ल, गीताञ्जली थापा र अनुपविक्रम शाही अभिनित यो ड्रामालाई फूर्वा छिरिङ लामाले निर्देशन गरेका हुन् ।

सन् १८ सयको दशकको अन्त्यतिर सिक्किमेलीको नेपाली भाषी समाजमा भएको घटनालाई राईले पुस्तकमा उतारेका थिए । त्यही पुस्तकको एडप्टेसनको रुपमा यसलाई प्रस्तुत गरिएको हो ।

सिक्किमको सेटिङमा छायांकन गरिएको फिल्ममा सौगात, गीताञ्जली र अनुप पात्र लुक्समा चित्रित छन् । गीताञ्जलीलाई केन्द्रमा राखिएको यो फिल्ममा उनका लागि सौगात र अनुपले गर्ने संघर्षलाई कथ्य तुल्याइएको छ ।

फिल्मको रिलिज चाँडै हुने टिजरमा उल्लेख छ । फेरी टेल पिक्चर्सले होप रिल एन्ड एलए सर्ट्सको ब्यानरमा फिल्म निर्माण गरेको हो । फिल्म निर्माणदेखि नै कास्टको कारणले यो फिल्मले चर्चा बटुलेको थियो ।

हेर्नूस टीजर :