सुगम पोखरेलको ‘म यस्तो गीत गाउँछु’ गीतमा रोमान्टिक वर्षा र राज (भिडिओ)

काठमाडौं । गायक सुगम पोखरेल र गायिका सुष्मा विश्वकर्माको स्वरमा समावेश ‘म यस्तो गीत गाउँछु’ बोलको गीत सार्वजनिक भएको छ । यो गीतमा सत्यराज चौलागाँइको शब्द, सरोज प्याकुरेलको संगीत छ । गीतलाई उदयराज पौडेलले एरेन्ज गरेका हुन् ।

गीतको भिडिओेमा कलाकार राज कटुवाल र नायिका वर्षा शिवाकोटीले मोडलिङ गरेका छन् । गीतले एक यूवक र एक युवतीविचको प्रेम र बाचाको कथा भन्छ । भिडिओमा केही महिनादेखि प्रेम सम्बन्धमा रहेका राज र वर्षाको अभिनयले पनि अझै सुन्दरता थपेको छ ।

यो गीतको भिडिओेलाई रामजी लामिछानेले कोरियोग्राफी तथा निर्देशन गरेका हुन् । भिडिओमा सौरभ लामाकोे छायांकन, अर्जुन जीसीको सम्पादन छ । लामिछानेले भिडिओमा वर्षा र राजलाई रोमान्टिक शैैलीमा प्रस्तुत गरेका छन् । गीत जस्तैै भिडिओे पनि फिल्मी लाग्छ ।

भिडिओमा रेनिश फागोको कलर, सुरेश काफ्लेको ड्रोन, सरोेज पाण्डे र हरि काव्या थापाको मेकअप छ । भिडिओमा मुख्य सहायक छायांकारको रुपमा इश्वर सिन्केमान र हिमाल श्रेष्ठले काम गरेका छन् भने सहायक कोरियोेग्राफरको रुपमा निर्मल खत्री र दीपक सीकेले काम गरेको छन् । भिडिओका प्रोडक्शन डिजाइनर सुदिप ढकाल हुन् । हेर्नूस गीत :