चोटका कारण सेरेना र भेनस दुवैले युएस ओपनबाट नाम फिर्ता लिए
एजेन्सी । वर्षको अन्तिम ग्राण्डस्लाम युएस ओपनले यो संस्करणमा थप दुई हाइ प्रोफाइल खेलाडी गुमाउने भएको छ । अमेरिकी टेनिस सुपरस्टारद्वाय भेनस विलियम्स र सेरेना विलियम्सले चोटका कारण प्रतियोगिताबाट नाम फिर्ता लिएका छन् ।
३९ वर्षीय सेरेनाले मंगलबार सामाजिक सन्जालमा पोष्ट गर्दै ह्याम्स्ट्रिङका कारण आफ्नो शरीरले काम कठिन भएको जनाएकी थिइन् । त्यसको केही घण्टापछि ४१ वर्षीय भेनसले पनि खुट्टाको चोटका कारण प्रतियोगिता छाड्ने निर्णय गरिन् ।
सन् २००३ पछि पहिलोपल्ट घरेलु खेलाडीहरु विलियम्स दिदीबहिनी युएसओपनमा हुने हैनन् । यो प्रतियोगिता चार दिनपछि सुरु हुँदैछ ।
पुरुषतर्फ साविक विजेता डोमिनिक थिम, रोजर फेडेरर, रफायल नडालजस्ता हस्तीहरु पनि यसपल्टको प्रतियोगितामा खेल्ने छैनन् ।