एन्फाका सहायक महासचिव वसन्तराज अयार्लले दिए पदबाट राजीनामा

काठमाडौं । एन्फाका सहायक महासचिव वसन्तराज अयार्लले पदबाट राजीनामा दिएका छन् ।अर्यालले एन्फा अध्यक्षलाई सम्बोधन गर्दै आइतबार पदबाट अलग रहने भन्दै निबेदन लेखेका छन् ।

मुख्य प्रशिक्षक र वरिष्ठ उपाध्यक्ष बीचको सामान्य असमझदारी संस्था भित्रै छलफल गरेर सामाधान गर्न सकिने प्रशस्त मार्ग हुदाँहुँदै छानबिनको लागि मन्त्रालय पठाउनाले संस्थाको क्षेत्राधिकार माथि प्रश्न उठेको र यो कार्य एकदमै दुखद रहेको भन्दै पत्रमा उल्लेख गरेका छन् ।

उनले मुख्य प्रशिक्षकले पहिले खेलाडीहरु नयाँ ठाउँ घुम्न र कम भन्दा कम गोल खाने लक्ष्य लिएर जाने भानेको अभिव्यक्तिले देशकोलागि विदेशी माटोमा खेलाडीले बगाएको खुन पसिनाको अबमुल्यन गरेको कुरा भदेदा मजाक र टिप्पणी रहेको कुरासमेत पत्रमा लेखेका छन् ।

२०७७ माघ २६ गते काठमाडौंमा सम्पन्न साधारणसभाले आफ्नो विधान संसोधन गर्दा मनोनित पदहरु खारेज गरेकोले उक्त पदमा रहिरहन विधानत नैतिक संकट परेको हुँदा अध्यक्षलाई विधान अनुसार काम गर्न सजिलो होस भनेर पदबाट अलग रहने निर्णय गरेको उनले जनाएका छन् ।