भाइरल भयो धोनीको ‘रकस्टार’ लुक

काठमाडौं । महेन्द्रसिंह धोनीको सामाजिक सञ्जालमा चर्चा हुनुको कारण उनको क्रिकेट कौशल हुन्छ । तर, अहिले सामाजिक सञ्जालमा भारतीय पूर्व कप्तान धोनीको चर्चा चुलिनुको नितान्त फरक कारण छ ।

विश्व क्रिकेटका आइकन धोनीले नयाँ स्टाइलको हेयर कटिङसँगै समर्थकले उनको चर्चा शिखरमा पु¥याएका छन् । उनको नयाँ अबतारसँगै भारतीय समर्थकले धोनीभित्र रहेको ‘रक स्टार’ बाहिर निस्किएको बताएका छन् ।

सेलेब्रिटी हेयर स्टाइलिस्ट आलिम हाकिमले सार्वजनिक गरेको धोनीको नयाँ स्टाइलको तस्वीर अहिले सामाजिक सञ्जालमा भाइरल भइरहेको छ । हाकिमले त्यो फोटो ट्वीट गर्दै ‘लिजेन्ड’ धोनीलाई त्यस्तो स्टाइल दिन पाउँदा आनन्द भएको बताएका छन् ।

Legend Dhoni👑 Sports A Dashing Look 🔥🔥🔥

Thoroughly enjoyed doing this haircut & beard for our legend Mahendra Singh Dhoni 🔥🔥🔥#MSD #mahendrasinghdhoni #dhoni #msdhoni #fauxhawk #dhonisnewhaircut #dhonistyle #captaincool #aalimhakim #hakimsaalim #viral #trending pic.twitter.com/h17NX8qbDB

— Aalim Hakim (@AalimHakim) July 30, 2021

‘ड्यासिङ लुकमा लिजेन्ड धोनी’ हाकिमले भनेका छन्, ‘हाम्रा महान् खेलाडी धोनीलाई यो हेयरस्टाइल दिँदै गर्दा रमाइलो भयो । उनले ट्वीट गरेको एक तस्वीरमा हाकिम पनि देखिएका छन् । सो ट्वीटले अहिलेसम्म १७ हजारभन्दा धेरै लाइक पाएको छ ।

उनको त्यो तस्वीर सार्वजनिक भएसँगै अपेक्षित रूपमै समर्थकहरू यसैमा झुमिएका छन् । एक समर्थकले धोनीको यो नयाँ लुकमा उनलाई कम्तिमा पनि पाँच वर्ष कम उमेरको देखिएको बताएका छन् ।