सर्वोच्चको परमादेशपछि मनोज र दीपकको टिप्पणी : फैसला टम एन्ड जेरीजस्तो !

काठमाडौं । सर्वोच्च अदालतले सोमबार परमादेश जारी गर्दै संसद पुनःस्थापना र दुई दिनभित्र कांग्रेस सभापति शेरबहादुर देउवालाई प्रधानमन्त्रीमा नियुक्त गर्न आदेश दियो ।

सर्वोच्चको यो आदेश लगत्तै मनोरञ्जन वृत्त समेत तरंगित बनेको छ । राजनीतिक घटनाक्रममा रुचि राख्ने केही कलाकारले विकसित घटनाक्रमबारे सामाजिक संजालमा टिप्पणी गरेका छन् ।

अभिनेता एवं हाँस्य कलाकार मनोज गजुरेलले सर्वोच्चको परमादेशलाई अचम्मको निर्देशन र अनौठो फिल्म भएको बताएका छन् । उनले पछिल्लो घटनाक्रमलाई हलिउडको चर्चित कार्टुन सिरिज टम एन्ड जेरी, मुसो र बिरालोसँग तुलना गरेका छन् ।

‘ओली र अन्य, अदालत र देउवा, त्यसपछि को र के’ गजुरेलले उल्लेख गरेका छन् ।

अभिनेता दीपकराज गिरीले पनि व्यंग्य गर्दै ‘कठै ४ वर्ष लगाएर कस्तो संविधान बनाएछन्’ भनेर उल्लेख गरेका छन् ।