शनिबार २१ सय संक्रमित थपिए, २२ जनाको मृत्यु

काठमाडौं । पछिल्लो २४ घण्टामा मुलुकमा २१६९ जना कोभिड बिरामी थपिएका छन् । स्वास्थ्य तथा जनसंख्या मन्त्रालयका अनुसार १० हजार ४१७ (६५३० पीसीआर र ३८८७ एन्टीजेन) नमुना परीक्षण गर्दा ती संक्रमित थपिएका हुन् ।

आजको संक्रमण दर २०.८२ प्रतिशत छ । शनिबार थप २२ जनाको मृत्यु भएको छ ।

१४३२ जना डिस्चार्ज भएका छन् । सक्रिय संक्रमित प्रतिशत ४.०५ प्रतिशत रहेको छ ।

अहिलेसम्म ६ लाख ५४ हजार २१२ पीसीआर परीक्षण गर्दा संक्रमित पुष्टि भएका छन् । ४३ हजार ४५ जना एन्टीजेन परीक्षणमा संक्रमित पाइएका छन् ।

अहिलेसम्म कोभिडको कारण ९३६२ जनाले ज्यान गुमाएका छन् । अहिलेसम्म ६ लाख १८ हजार निको भएका छन् ।