बलिउडमा शाहरुखको २९ वर्ष : काठमाडौं आउँदा गरेका थिए नेपाली सौन्दर्यको प्रशंसा

मुम्बई । नेपालमा बलिउड अभिनेता शाहरुख खानको फ्यान क्रेज निकै उच्च छ । वृद्धवृद्धादेखि पछिल्लो छिमलका अभिनेताहरु समेत यहाँ छन् । २९ वर्षदेखि बलिउड फिल्ममा सक्रिय शाहरुखलाई पछ्याउने नेपालीहरुको संख्या बढी नै छ ।

यसबीच शाहरुखले पटक-पटक नेपाल भ्रमण पनि गरे । उनी आफ्ना व्यवसायिक ब्रान्ड प्रवद्र्धन गर्नदेखि फिल्म छायांकनलाई पनि नेपाल आएको इतिहास छ ।

केही वर्षअघि नेपाल आउँदा विमानस्थलदेखि उनी बसेको होटलसम्म फ्यान क्रेज देखिएको थियो । काठमाडौं एयरपोर्टमा उनलाई स्वागत गर्न झाँकी समेत प्रस्तुत गरिएको थियो ।

हायात रिसोर्टमा आयोजित कार्यक्रममा बोल्दै खानले नेपाली नागरिक र नेपालको प्राकृतिक सौन्दर्यको गुणगान गाएका थिए । उनले चाँडै आफू नेपाल घुम्न आउने समेत बताएका थिए ।

Been working. Just saw the ’overwhelmed ness’ of the lov of nearly 30 yrs u r showering on me here. Realised it’s more than half my life in the service of hoping to entertain u all. Will take out time tomorrow & share some love back personally. Thx needed to feel loved….

— Shah Rukh Khan (@iamsrk) June 24, 2021

२९ वर्षअघि ऋषि कपुर र दिव्या भारतीय स्टारर फिल्म ‘दिवाना’बाट बलिउडमा अभिनय करियर थालेका शाहरुख यो उमेरमा पनि लोकप्रिय छन् । उनका प्रशंसकले शुक्रबार सामाजिक संजालमार्फत शाहरुखको तीस वर्षलाई सेलिव्रेसन समेत गरेका छन् ।

शुक्रबार झन्डै तीस वर्ष पुगेको छेकोमा ट्वीटरमार्फत शाहरुखले आफूलाई साथ दिने र माया गर्नेहरुलाई पनि आभार व्यक्त गरेका छन् ।