ऋतिकले घोषणा गरे बलिउड सुपरहिरो ‘कृष ४’, टाइम ट्राभलको कथामाथि फिल्म बन्ने

मुम्बई । बुधबार ऋतिक रोशनसँग आफ्ना प्रशंसकलाई सुनाउन एउटा निकै चर्चित खबर थियो । फिल्म कृषको १५ औं वर्षगाँठको छेकोमा बलिउडका यी सुपरहिरोले नयाँ घोषणा गरे । त्यो हो ‘कृष ४’ को नयाँ सिक्वेल निर्माण गर्ने ।

ऋतिकले निकै रुचाइएको फिल्मको सिक्वेल बनाउने घोषणा गरे लगत्तै भारतीय मिडियाले यसको पात्र र चरित्र चित्रणबारे केही खुलासा गरेका छन् ।

कृषको १५ औं एनिभर्सरीमा हृतिकले ट्वीट गरेका छन्- विगत गैसक्यो, अब हेरौं, भविष्यले के लिएर आउनेछ ।’ हृतिकले ट्वीट गरेपछि धेरैले कृष ४ को भविष्यलाई लिएर अड्कलबाजी सुरु गरेका छन् । स्रोतका अनुसार कृष ४ को कथावस्तु टाइम ट्राभल (समय यात्रा)लिएर आधारित हुनेछ ।

कृषमै एलियन्सको रुपमा चर्चित बनेको पात्र जाडु पनि चौंथो सिक्वेलमा देखिने भएको छ । बलिउड वेबसाइट पिंकभिल्लाले टाइम ट्राभलको कथावस्तुमा फिल्म बन्न लागेको जनाएको छ ।

कोइ मिल गया र कृषको सेटिङमा कृष ४ बन्ने चर्चा समेत उक्त वेबसाइटले उल्लेख गरेको छ । यसबाहेक आगामी वर्ष ऋतिक विक्रम भेदाले निर्देशन गर्ने ‘द नाइट म्यानेजर एन्ड फाइटर’मा व्यस्त हुनेछन् । साथै, फिल्म रामायणमा उनको मुख्य भूमिका हुनेछ ।