आइतबार थप ८ जनाको कोरोनाले मृत्यु, अहिलेसम्म ३,५६५ बालबालिका संक्रमित

काठमाडौं । आइतबार नेपालमा कोरोनाभाइरसबाट ८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार अहिलेसम्म ३,०८३ जनाको भाइरसले मृत्यु भएको छ ।

२४ घण्टामा १,०९६ जना संक्रमित थपिएका थिए र संक्रमितको आधा काठमाडौं उपत्यकाका थिए ।

भाइरसको कारण अहिलेसम्म ३,५६५ जना बालबालिका संक्रमित भएको मन्त्रालयले जनाएको छ । प्रवक्ता जागेश्वर गौतमले कोरोनाको नयाँ भेरिएन्टले बालबालिकालाई असर नगर्ने भन्ने कतिपय चिकित्सकको भनाइको खण्डन समेत गरेको छ ।