शून्य समयमा बोलेको सरकारले नसुनेको भन्दै रास्वपा सांसद ढकालले गरे मौनधारण
नेपाल प्रेस
२०७९ चैत २४ गते १४:२७
काठमाडौं । राष्ट्रिय स्वतन्त्र पार्टीका सांसद हरि ढकालले प्रतिनिधिसभा बैठकको शून्य समयमा मौनधारण गरेका छन् ।
आफूहरुले शून्य समयमा बोलेको कुरालाई सरकारले नसुनेपछि आफूले मौनधारण गरेको ढकालले बताए ।
सभामुखले शून्य समयमा बोल्दै समय दिएपछि उनले माइक्रोफोन लिएर ‘सभामुख महोदय’ भनी एक मिनेट मौनधारण गरेका थिए ।
‘यो सरकारले हामी माननीयले बोलेको केही पनि नसुनेकोले मैले यो शून्य समयमा मौनधारण गरें । धन्यवाद’, उनले अन्तिममा भने ।
नेपाल प्रेस
प्रकाशित: २०७९ चैत २४ गते १४:२७
प्रतिक्रिया
सम्बन्धित खवर
