एमाले अध्यक्ष ओलीले गरे लुम्बिनीको अवलोकन भ्रमण
नेपाल प्रेस
२०७९ चैत ११ गते १५:४५
रुपन्देही । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले आज विश्व शान्तिको मुहान लुम्बिनीको अवलोकन भ्रमण गरेका छन् ।
उनको साथमा लुम्बिनी प्रदेशका मुख्यमन्त्री लीला गिरी, सांसदहरू, पूर्व मन्त्रीहरू र पार्टीका नेताहरू सहभागी थिए ।
पूर्व प्रधानमन्त्री ओलीले शिलान्यास गरेको अन्तर्राष्ट्रिय ध्यान केन्द्र तथा सभा हल र लुम्बिनीमा निर्मित गुरुयोजना अनुरूपका विभिन्न संरचनाको बारेमा जानकारी लिएका थिए।
त्यस अवसरमा कोषका उपाध्यक्ष भिक्षु अवधेश त्रिपाठी, सदस्यसचिव सानुराजा शाक्य, योजना प्रमुख इन्जिनियर सरोज भट्टराईलगायतले विभिन्न विषयमा जानकारी गराएका छन् ।
कपिलवस्तुमा पार्टीले सञ्चालन गरेको मिसन ग्रासरूट अभियानमा सहभागी हुन उनी यहाँ आएका हुन् ।
यो समयमा उनले पार्टीका पुराना नेता तथा कार्यकर्तालाई भेट्ने कार्यक्रमसमेत बनाएका छन् ।
नेपाल प्रेस
प्रकाशित: २०७९ चैत ११ गते १५:४५
प्रतिक्रिया
सम्बन्धित खवर
