नेपाली क्रिकेटको विश्वकप छनौटको यात्रालाई भारतीय दूतावासदेखि आईसीसीसम्मको बधाई

काठमाडौं । नेपालले १२ खेलमा ११ खेल जितेर क्रिकेट विश्वकपको छनौट खेल्न जिम्बावे जाने निश्चित भएपछि बधाईको ओइरो लागेको छ ।

खराब मौसममाको कारण आज त्रिवि मैदानमा डकवर्थ लुइस पद्धतिबाट भएको नतिजामा युएईलाई ९ रनले पराजित गरेको नेपाललाई प्रधानमन्त्री पुष्पकमल दाहाल प्रचण्डदेखि प्रमुख प्रतिपक्षी दलका नेता तथा पूर्वप्रधानमन्त्री केपी शर्मा ओलीले बधाई दिइसकेका छन् ।

नेपाली टोलीलाई भारतीय दूतावासले पनि बधाई दिएको छ । दूतावासले आफ्नो सामाजिक संजालमा लेखेको छ, ‘आइसीसी पुरुष विश्व कप क्रिकेट प्रतियोगिताको छनौट खेलमा स्थान पक्का गरेकोमा नेपाललाई बधाई ।’

यस्तै, क्रिकेटको सर्वोच्च निकाय आईसीसीले पनि बधाई दिएको छ ।

धेरै कठिनाइका बाबजुत नेपालले विश्वकप छनौट खेलमा स्थान सुरक्षित गरेको भन्दै आईसीसीले बधाई भनेको छ ।

Nepal have done it 🔥

Against all odds, the Rhinos pip Namibia to the third @cricketworldcup Qualifier spot after beating UAE by nine runs (by DLS method) 👏 pic.twitter.com/yO5zwJbN8o

— ICC (@ICC) March 16, 2023

Congratulations #Nepal for securing berth at the ICC Men’s Cricket World Cup Qualifiers @cricketworldcup.🏏

Wishing #TeamNepal success for the Qualifiers.@MofaNepal#Cricket https://t.co/sw7X0GQtwg

— IndiaInNepal (@IndiaInNepal) March 16, 2023