एभ्रिथिङ एभ्रिह्वेयरलाई सर्वश्रेष्ठ फिल्मको ओस्कार अवार्ड, अरू कसले के जिते ?

नेपाल प्रेस

२०७९ फागुन २९ गते १०:३८

काठमाडौं । विश्व प्रसिद्ध ओस्कार अवार्डको ९५ औँ संस्करण सम्पन्न भएको छ । फिल्म क्षेत्रको सबैभन्दा प्रतिष्ठित अवार्डको रूपमा रहेको यस एकेडेमी अवार्डले एभ्रिथिङ एभ्रिव्होएर अल एट ओन्स (Everything Everywhere all at once ) ले सर्वश्रेष्ठ फिल्मको अवार्ड हात पारेका छन् ।

यस्तै द व्होएल ( The whale ) अभिनेता ब्रेन्डन फ्रेजर सर्वोत्कृष्ट अभिनेता तथा एभ्री थिङ एभ्री व्होएर अल एट ओन्स अभिनेत्री मिसेल यिओ सर्वश्रेष्ठ अभिनेत्री चुनिएका छन् ।

यस्तै एभ्री थिङ एभ्री व्होएरका अर्का अभिनेता तथा अभिनेत्रीद्वय के हुँ क्युआन र जेमी लि कर्टिसले सर्वश्रेष्ठ सपोर्टिङ रोलको अवार्ड हात पारेका छन् ।

यसै चलचित्रका निर्देशक ड्यानियल क्वान र डेनियल स्किनर्टले सर्वश्रेष्ठ निर्देशकको अवार्ड हात पारेका छन् ।

यस्तै भारतीय चलचित्र आरआरआरको ‘नाटु नाटु’ गीतले सर्वश्रेष्ठ गीतको अवार्ड हात पारेको छ।

यस्तै सर्वश्रेष्ठ ध्वनिमा टपगन माभेरिक सर्वश्रेष्ठ एडप्टेड स्क्रिनप्लेमा वुमन टकिङ (सारा पोली), सर्वश्रेष्ठ मौलिक पटकथामा ड्यानियल क्वान र ड्यानियल स्किनर्ट (एभ्रिथिङ एभरिवेयर अल एट वन्स) सर्वश्रेष्ठ भिजुअल इफेक्टमा अवतार द वे अफ वाटरले हात पारेको छ ।

त्यस्तै, सर्वश्रेष्ठ ओरिजिनल स्कोरमा अल क्वाइट अन द वेस्टर्न फ्रन्ट, सर्वश्रेष्ठ प्रोडक्सन डिजाइनमा अल क्वाइट अन द वेस्टर्न फ्रन्ट तथा सर्वश्रेष्ठ डकुमेन्ट्री सर्ट फिल्म द एलिफेन्ट विह्स्पर्सले अवार्ड हात पारेका छन् ।