माओवादी र नेसपाका विद्यार्थी संगठनले स्ववियू चुनावमा तालमेल गर्ने
नेपाल प्रेस
२०७९ फागुन १५ गते १५:०६
काठमाडौं । स्वतन्त्र विद्यार्थी युनियनको चुनावमा नेकपा माओवादी केन्द्रको विद्यार्थी संगठन अखिल क्रान्तिकारी र नेपाल समाजवादी पार्टीको विद्यार्थी संगठन नेपाल समाजवादी विद्यार्थी युनियनबीच तालमेल हुने भएको छ ।
सोमबार बाल्मिकी क्याम्पसमा कार्यक्रम गरेर उनीहरुले तालमेलको घोषणा गरेका हुन् ।
उनीहरुबीच चैत ५ मा त्रिभुवन विश्वविद्यालय र नेपाल संस्कृत विश्वविद्यालय, चैत ३ मा मध्यपश्चिम र चैत ८ मा सुदूरपश्चिम विश्वविद्यालयले गर्ने स्ववियु चुनावमा तालमेल गर्ने सहमति भएको हो ।
सहमतिमा अखिल क्रान्तिकारीकी अध्यक्ष पञ्चा सिंह र समाजवादी विद्यार्थी युनियनका अध्यक्ष नेत्र चापागाईंले हस्ताक्षर गरेका छन् ।
नेपाल प्रेस
प्रकाशित: २०७९ फागुन १५ गते १५:०६
प्रतिक्रिया
सम्बन्धित खवर
