पाँच विकेट गुमाएसँगै संकटमा नेपाल
नेपाल प्रेस
२०७९ फागुन ९ गते १४:४१
काठमाडौं । आईसीसी पुरुष विश्वकप क्रिकेट लिग २ अन्तर्गत स्कटल्यान्डविरुद्धको खेलमा पाँच विकेट गुमाएसँगै नेपाल संकटमा परेको छ ।
कीर्तिपुरस्थित त्रिवि क्रिकेट मैदानमा मंगलबार स्कटल्यान्डले दिएको २१३ रनको लक्ष्य पछ्याएको नेपालले शीर्ष क्रमका पाँच ब्याटर गुमाइसकेको छ ।
ओपनर कुशल भुर्तेल ४ बल खेल्दै १ रनमा आउट हुँदा आसिफ शेख २३ बलमा १२ रन योगदान गरेर क्याच आउट भए । अघिल्लो खेलमा अर्धशतक प्रहार गरेका ज्ञानेन्द्र मल्ल ३० बलमा २१ रन बनाउँदै एलबीडब्ल्यू आउट भए ।
कुशल मल्ल १७ रनमा आउट हुँदा सन्दीप जोरा १ रनमात्रै बनाउन सफल भए ।
पाँच विकेट गुमाएपछि क्रिजमा कप्तान रोहित पौडेल र दीपेन्द्रसिंह ऐरी खेलिरहेका छन् ।
नेपाल २० ओभरको समाप्तिमा ७३/५ को स्थितिमा छ ।
नेपाल प्रेस
प्रकाशित: २०७९ फागुन ९ गते १४:४१
प्रतिक्रिया
सम्बन्धित खवर
