मधेस : सभामुखका लागि एमालेका मण्डलको उम्मेदवारी दर्ता
नेपाल प्रेस
२०७९ पुष ३० गते १३:४३
जनकपुरधाम । मधेश प्रदेशका सभामुखका नेकपा एमालेका सांसद रामचन्द्र मण्डल उम्मेदवारी दर्ता गराएका छन् ।
सत्ता साझेदार दलहरुबीच बनेको सहमति अनुसार सांसद मण्डलले प्रदेशसभा सचिवालय पुगेर सभामुखका लागि उम्मेदवारी दर्ता गराएका हुन् ।
धनुषा क्षेत्र नम्बर १९२०बाट निर्वाचित मण्डलले सभामुखका लागि आफूलाई लोसपा सहित सत्ता साझेदार सबै दलको समर्थन रहेको बताए ।
सभामुख र उपसभामुखको उम्मेदवारी दर्ताका लागि प्रदेशसभा सचिवालयले बिहान ११ बजेदेखि दिउसो ३ बजेका लागि समय दिएको छ ।
सत्ता साझेदार दलहरुबीच उपसभामुख जनमत पार्टीलाई दिने सहमति बनेको छ । उपसभामुखमा जनमतले बबिता राउत ईसरको उम्मेदवारी दर्ता गराउने बुझिएको छ ।
यता, नेपाली कांग्रेसले पनि सभामुख/उपसभामुखमा उम्मेदवारी दर्ता गराउने/नगराउने विषयमा छलफल गरिरहेको छ ।
नेपाल प्रेस
प्रकाशित: २०७९ पुष ३० गते १३:४३
प्रतिक्रिया
सम्बन्धित खवर
