जनकपुरको टिम समयमा मैदान नआउँदा अझै टस हुन सकेन
नेपाल प्रेस
२०७९ पुष २६ गते १२:०४
काठमाडौं । नेपाल टी–२० लिग अन्तर्गत दोस्रो क्वालिफायर्समा जनकपुर रोयल्स र विराटनगर सुपर किङ्सबीचको खेल समयमा टस हुन सकेको छैन ।
जनकपुर सुपर किङ्सको टिम समयमा मैदान आई नपुग्दा टस हुन नसकेको छ ।
११ः३० मा टस हुनु पर्नेमा १२ बजेसम्म पनि टिम मैदान आइपुगेको छैन ।
पहिलो क्वालिफायरमा पनि जनकपुर समयमा मैदान नआउँदा टस ढिला भएको थियो ।
खेलपछि जनकपुरका मार्की खेलाडी सोम्पाल कामीले खेलाडीको पारिश्रमिक नआएकाले नखेल्ने भन्ने निर्णयमा पुगेको बताएका थिए ।
पहिलो क्वालिफायरमा जनकपुरले म्याच विनिङ खेलाडी चादविक वालटनबिनै खेलेको थियो ।
वालटन पारिश्रमिकको विषयमै असन्तुष्टि जनाउँदै उक्त खेलमा मैदानमै उपस्थित थिएनन् ।
नेपाल प्रेस
प्रकाशित: २०७९ पुष २६ गते १२:०४
प्रतिक्रिया
सम्बन्धित खवर
