नेपाल टी–२० लिग : १७ ओभरमा छोट्याइयो लुम्बिनी र काठमाडौंबीचको खेल
नेपाल प्रेस
२०७९ पुष २० गते ९:३६
काठमाडौं । म्याच अम्पायरले चिसो मैदानका कारण समयमा टस हुन नसकेको बताए पनि खेलाडी टस हुने समयमा मैदानमा नपुग्दा जारी नेपाल टी–२० लिग अन्तर्गत काठमाडौं नाइट्स र लुम्बिनी अलस्टार्सबीचको खेल १७ ओभरमा छोट्ट्याइएको छ ।
जारी लिगमा दिनमा दुई खेल हुने गरेका छन् । पहिलो खेलेको टस ८ः३० मा हुने गरेको छ। तर, आज काठमाडौंका खेलाडी ८ः५० मा मात्रै मैदान पुगेका थिए ।
मङ्गलवार पनि पहिलो खेल खेलाडीको पारिश्रमिक नपाएको कारण टस गर्न नमाने पछि खेल दुई घण्टा ढिला सुरु भएको थियो ।
१७ ओभरमा छोट्ट्याइएको खेलमा लुम्बिनी अलस्टार्सले टस जितेर पहिला ब्याटिङ गर्ने निर्णय गरेको छ ।
प्रतियोगितामा लिग चरणको ९ औं खेल खेलिरहेको लुम्बिनीले यसअघि, सात जित र एक हारको नतिजा निकालेको छ । लुम्बिनी १४ अंकसहित शीर्ष स्थानमा रहेको छ ।
७ खेल खेलको काठमाडौं ४ जित र तीन हारको नतिजासहित ८ अंक जोडेर दोस्रो स्थानमा रहेको छ ।
अज हुने दोस्रो खेलमा विराटनगर सुपर किङ्स र फार वेस्टर्न युनाइटेडबीच प्रतिस्पर्धा हुँदैछ ।
नेपाल प्रेस
प्रकाशित: २०७९ पुष २० गते ९:३६
प्रतिक्रिया
सम्बन्धित खवर
