माधव नेपालको निर्देशन- आफ्ना नेताहरूको बद्ख्वाइँ गरेर अरुको प्रशंसा गर्ने ? यो तरिका बन्द गरौं
नेपाल प्रेस
२०७९ पुष १९ गते १४:५५
काठमाडौं । नेकपा एकीकृत समाजवादीका अध्यक्ष माधव नेपालले पार्टीका नेताहरूलाई आफूलाई लागेको कुरा बैठकमा राख्न आग्रह गरेका छन् ।
पार्टी पोलिटब्युरो बैठकलाई सम्बोधन गर्दै उनले आफूलाई लागेको कुरा मिडियामा प्रचार गरेर पार्टी नबन्ने बताए ।
उनले भने, ‘अनुशासन तोड्ने अनि हाम्रै स्वर ठूलो हुने । पार्टीको विरोध बाहिर गर्ने अनि हाम्रै स्वर ठूलो हुने । आफ्नो नेताहरूको बद्ख्वाइँ गरेर अरु नेताको प्रशांसा गर्ने अनि आफ्नै स्वर ठूलो हुने ? यो तरिका बन्द गरौं । हामी नयाँ क्रान्तिकारी पार्टी बनाउन लाग्नुपर्छ ।’
उनले सबै कुरा पार्टीमा छलफल गर्ने नेताहरूलाई निर्देशन दिएका छन् । पार्टी वरिष्ठ नेता मुकुन्द न्यौपाने र पार्टी सचिव रामकुमारी झाँक्रीले पार्टीविरुद्ध गतिविधि गरेको बैठकमा कुरा उठेपछि अध्यक्ष नेपालले यस्तो निर्देशन दिएका हुन् ।
उनीहरूमाथि एमाले र माओवादीको पैरवी गरेको र आफ्नै पार्टी अध्यक्षको बद्ख्वाइँ गरेको आरोप छ । झाँक्रीले हालै एमाले अध्यक्ष केपी शर्मा ओलीको प्रशंसा गरेर दिएको टिभी अन्तर्वार्ता दिएकी थिइन् । भने, मुकुन्दले सार्वजनिकरूपमै नेतृत्वविरुद्ध बोल्दै आइरहेका छन् ।
नेपाल प्रेस
प्रकाशित: २०७९ पुष १९ गते १४:५५
प्रतिक्रिया
One thought on “माधव नेपालको निर्देशन- आफ्ना नेताहरूको बद्ख्वाइँ गरेर अरुको प्रशंसा गर्ने ? यो तरिका बन्द गरौं”
Leave a Reply
सम्बन्धित खवर
यहाँ माकुनेज्यू, यस्तो अनुशासनको निर्देशन दिने हैसियत कहाँबाट आयो । आफ्नै पार्टी अध्यक्ष केपी ओलीविरुद्ध बिष बमन गर्दै विधि पद्दतिको गीत गाएर, लोकतन्त्रको गीत गाउनुहन्थ्यो त। अहिले केपी ओलीको प्रशंशा गर्दा भतभति पोल्यो । कुण्ठाग्रस्त, दुखी, पापी मनुवा । छि!