गुल्मीको अर्वेनीमा मतदान स्थगित, मतगणना प्रभावित
नेपाल प्रेस
२०७९ मंसिर ४ गते १९:५४
रुपन्देही । गुल्मीको क्षेत्र नं २ स्थित अर्वेनीमा कर्मचारीले मतपत्र दिने क्रममा भएको विवादका कारण मतदान रोकिएको छ ।
दिउसो ३ बजेसम्म भएको मतदानमा ६६४ मत खसे पनि कर्मचारीले प्रतिनिधिसभाको मतपत्र दिने ठाउँमा प्रदेशको दिएपछि विवाद भएको हो ।
मतदाताले धेरै पटक यो विषय उठाएपछि स्थानीय दलका प्रतिनिधिहरूले नै यसलाई रोक्न माग गरेका थिए ।
विवाद बढेपछि यहाँ पुनः मतदान हुने गरी स्थगित भएको र आयोगसँगको समन्वयमा मिति तय गरिने गुल्मीका मुख्य निर्वाचन अधिकृत वसन्तराज पौडेलले जानकारी दिए ।
अर्बेनीमा मतदान रोकिएपछि यो क्षेत्रको सबै ठाउँको मतगणना प्रभावित हुने भएको छ । गुल्मीका अन्य क्षेत्रमा भने शान्तिपूर्ण रूपमा निर्वाचन सकिएको छ ।
यसै गरी मतदान केन्द्रमा बसेका कर्मचारीले मतपत्र उल्टो दिएपछि भएको विवाद ५ घण्टापछि समाधान भएर साँझ ६ बजे अर्घाखाँचीको खनमा मतदान सुरु भएको छ ।
मालारानी ३ को ख मतदान केन्द्रमा कर्मचारीकै गल्तीका कारण मतदाता झुक्किएको भन्दै विवाद बढेको थियो । जिल्लाका अन्य स्थानमा भने शान्तिपूर्ण मतदान भएको छ । मतदान भएको छ भने एक ठाउँमा रोकिएको छ ।
नेपाल प्रेस
प्रकाशित: २०७९ मंसिर ४ गते १९:५४
प्रतिक्रिया
सम्बन्धित खवर
