सेयर बजारमा बढ्दो आकर्षण, साढे ५४ लाख पुग्यो डिम्याट खाता
काठमाडौं । पछिल्लो समय सेयर बजार प्रति आकर्षक बढ्दै गएको छ । डिम्याट खाताको संख्या ५४ लाख ५० हजार १० पुगेको छ ।
डिम्याट खातामा ९ अर्ब २० करोड ५५ लाख १३ हजार १ सय १७ कित्ता सेयर रहेको सिडिएस एण्ड क्लियरिङ लिमिटेडले जनाएको छ । यता मेरो सेयरको प्रयोगकर्ता नै ४५ लाख ४० हजार ६ सय ३५ पुगेको छ ।
आइपीओमा आवेदन दिन डिम्याट खाता अनिवार्य गरिएसँगै डिम्याट खाता खोल्नेहरू बढिरहेका छन् ।
यस्तै पुँजी बजारमा २ सय ३४ कम्पनी सूचीकृत छन् भने ३४ म्युचुअल फण्ड (सामूहिक लगानी कोष) सूचीकृत छन् यस्तै ५६ बैंक तथा वित्तीय संस्थाबाट सिआस्वा सेवा उपलब्ध छ ।
पछिल्लो समय सेयर बजार बढ्ने भन्दा घट्ने क्रम बढी छ । मङ्गलवार पनि सेयर बजार ६.५९ अंकले घटेको छ ।