मन्त्रीबाट हटाइएका आचार्य भन्छन्- मलाई केही थाहा छैन
पोखरा । गण्डकी प्रदेशमा मन्त्रीबाट हटाइएका हरिशरण आचार्यले बर्खास्तीको जानकारी नपाएको बताएका छन् । उनले मुख्यमन्त्रीसँग कात्तिक १६ मा भेट भए सौहार्दपूर्ण कुराकानी भएको नेपाल प्रेसलाई बताए ।
‘के आरोप हो । किन हटाएको हो केही थाहा छैन,’ उनले भने, ‘मिडियामा एमालेलाई सहयोग गरेको भनेर सुनेको छु । मैले कसैलाई कतै सहयोग गरेको छैन ।’
ऊर्जामन्त्री रहेका हरिशरण आचार्यलाई मुख्यमन्त्री कृष्णचन्द्र नेपाली पोखरेलले मंगलबार बर्खास्त गरिसकेका छन् । गोरखामा नेकपा एमालेलाई सहयोग गरेको आरोपमा मुख्यमन्त्रीले आचार्यलाई हटाएको मुख्यमन्त्रीनिकट स्रोतले बताएको छ ।
गोरखा २ (२) मा एमालेबाट राजु राना उम्मेदवार छन् ।
तत्कालीन नयाँ शक्ति पार्टीबाट निर्वाचित वहाँ नयाँ सरकार गठनका बेला मन्त्रिमण्डलमा समावेश थिए । यसअघि पनि सरकार विरुद्ध गतिविधि गरेको आरोपमा हटाउने तयारी गरिएको थियो । तर, डा. बाबुराम भट्टराईले नै रोकेपछि उनको पद जोगिएको थियो ।
छोडिदिनुस ती दुई मोदीका चम्चाहरूलाई । स्वाभिमानी एमाले पार्टीमा लाग्नुहोस र गोरखामा एमालेलाई विजयी गराउनुहोस् ।