पाँच चुनावी सभालाई सम्बोधन गर्न प्रचण्ड कर्णाली प्रदेशमा

सुर्खेत । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ चुनावी अभियानका क्रममा कर्णाली प्रदेशमा पुगेका छन् । उनले आज कर्णाली प्रदेशका तीन जिल्लाका पाँच वटा स्थानमा हुने चुनावी सभालाई सम्बोधन गर्दैछन् ।

माओवादी केन्द्रका प्रदेश अध्यक्ष विमला केसीका अनुसार प्रचण्ड जुम्लाको शेरा खेत र सिंजा, हुम्लाको सर्केगाड तथा कालिकोटको खाँडाचक्र नगरपालिकाको मान्म र रास्कोट नगरपालिकामा हुने सभालाई सम्बोधन गर्ने भएका हुन् ।

शेरा खेत र सिंजामा आयोजना हुने सभालाई सम्बोधन गर्न प्रचण्डसहित कांग्रेसका उपसभापति पूर्णबहादुर खड्का जाँदैछन् । प्रचण्ड चढेकाे हेलिकप्टर सुर्खेतमा मौसम प्रतिकुल भएकोले केही समय सल्यान खलंगामा अवतरण भएको थियो । उनी मौसममा केही सुधार भएपछि पुनः सुर्खेतको लागि प्रस्थान गरेका छन् ।