यूएस ओपनको डबल्समा विलियम्स दिदी–बहिनीसँगै खेल्ने
नेपाल प्रेस
२०७९ भदौ १२ गते १४:४०
काठमाडौं । सेरेना विलियम्सले वर्षको अन्तिम ग्रान्डस्लाम यूएस ओपनमा डबल्सतर्फ आफ्नै बहिनी भेनस विलियम्ससँग खेल्ने भएकी छिन् ।
२३औं पटककी ग्रान्डस्लाम विजेता विलियम्सको टेनिस करियरमा यो अन्तिम प्रतियोगिता हो । उनले यसअघि यूएस ओपनपछि टेनिसबाट सन्यास लिने घोषणा गरिसकेकी छन् ।
विलियम्स दिदि बहिनीले तीन ओलम्पिक स्वर्ण पदकसहित १४ मुख्य उपाधिहरुसँगै जितेका छन् ।
सिंगल्सका साथै डबल्समा ४२वर्षीय बहिनीसँग खेल्नका लागि विलियम्सलाई वाइल्डकार्ड दिइएको थियो ।
उनीहरुले सन् २०१८ मा फ्रेन्च ओपन खेलेदेखि सँगै खेलेका छैनन् । जहाँ उनीहरु तेस्रो चरणमा पराजित भएका थिए ।
सेरेना र भेनसले सन्१९९९ मा फ्रेन्च ओपन डबल्सको च्याम्पियन बन्दै पहिलो पटक ग्रन्डस्लाम जितेका थिए ।
उनीहरुले सन् २०१६ मा विम्बलडन जित्दै १४औं उपाधि जितेका थिए ।
नेपाल प्रेस
प्रकाशित: २०७९ भदौ १२ गते १४:४०
प्रतिक्रिया
सम्बन्धित खवर
