भ्रामक विज्ञापनमा तस्बिर दुरुप्रयोग भएको केकीको गुनासो

काठमाडौं । अभिनेत्री केकी अधिकारीले भ्रामक विज्ञापनमा आफनो तस्बिर दुरुप्रयोग भएको बताएकी छन् ।

केकीको प्रयोग गर्दै तस्बिर ‘बेटर मी’ नामक एक ब्रान्डले तौल घटाउने औषधी भन्दै प्रचार गरेपछि केकी उक्त विज्ञापनमा आफनो तस्बिर दुरुप्रयोग भएको बताएकी हुन् ।

उनले यस्तो विज्ञापनमा काम नगरेको उनले बताइन् । सामाजिक सञ्जाल फेसबुक मार्फत उनले यस्ता विज्ञापनमा विश्वास नगर्न अनुरोध गरेकी छन् ।

उनले लेखेकी छन्,‘ मेरो नाम र तस्वीरहरुको चरम दुरुपयोग गरि यस्ता भ्रामक बिज्ञापनमा प्रयोग गरिएको पाइएकोमा यसमा कुनै सत्यता नभएको र यसमा बिश्वास नगर्न सम्पूर्णमा हार्दिक अनुरोध गर्दछु।’