राष्ट्रिय महिला फुटबल टोलीको प्रमुख प्रशिक्षकमा कुमार थापा
नेपाल प्रेस
२०७९ साउन ६ गते १४:२९
काठमाडौं । नेपाली राष्ट्रिय महिला फुटबल टोलीको प्रमुख प्रशिक्षकमा कुमार थापा नियुक्त भएका छन् ।
अखिल नेपाल फुटबल संघ–एन्फाले सेप्टेम्बरमा काठमाडौंमा आयोजना हुने साफ महिला च्याम्पियनसिपका लागि नेपाली टोलीको प्रशिक्षण जिम्मेवारी थापालाई दिएको हो ।
राष्ट्रिय फुटबल टोलीका पूर्व सदस्यसमेत रहेका थापासँग यसअघि पनि महिला टोलीलाई प्रशिक्षण गरेको अनुभव छ । प्रतियोगिता सेप्टेम्बर ६ देखि १९ सम्म आयोजना हुने छ ।
नेपालले हालसम्म साफ महिला च्याम्पियनसिपको उपाधि जित्न सकेको छैन ।
प्रतिक्रिया