वागमती सरकारको बेरुजू २ अर्ब ३२ करोड नाघ्यो, कुनको कति ?

हेटौँडा । वागमती प्रदेश सरकारको बेरुजू २ अर्ब ३२ करोड ५ लाख ८८ हजार रूपैयाँ पुगेको महालेखा परीक्षकको कार्यालयले जनाएको छ ।

गत आर्थिक वर्षमा प्रदेश सरकारको बेरुजू १ अर्ब ९ करोड ४४ लाख १० हजार थियो ।

सबैभन्दा धेरै भौतिक पूर्वाधार विकास मन्त्रालय, कृषि तथा पशुपन्छी मन्त्रालय, सामाजिक विकास मन्त्रालय, वन मन्त्रालय, पर्यटन मन्त्रालय, आन्तरिक मामिला तथा कानून मन्त्रालय र मातहतका कार्यालयमा बेरुजू रहेको महालेखाको प्रतिवेदनमा उल्लेख छ ।