नेपालमा पहिलो पटक ‘स्टार्ट अप फेस्ट’ हुँदै

काठमाडौं । नेपालमा स्टार्टअप्स (नवप्रवर्तनकारी व्यवसाय० को प्रवद्र्धन गर्ने लक्ष्यकासाथ पहिलो पटक स्टार्ट अप फेस्ट आयोजना हुने भएको छ ।

कन्फीडिरेसन अफ नेप्लिज इन्डस्ट्रिज योङ आन्ट्रपेनुअर्स फोरमको आयोजनामा आगामी असार ११ गते राजधानीको होटल याक एण्ड यतीमा उक्त कार्यक्रम आयोजना हुने जनाइएको छ ।

कन्फीडिरेसन अफ नेप्लिज इन्डस्ट्रिज योङ आन्ट्रपेनुअर्स फोरमका अध्यक्ष अमुन थापाका अनुसार नेपालमा स्टार्टअप्सलाई अभियानका रुपमा अघि बढाउने र नवप्रवर्तनकारी व्यवसायलाई अर्थतन्त्रको महत्वपूर्ण अंगको स्थापित गर्ने उद्देश्यसले यस कार्यक्रमको आयोजना गर्न लागिएको हो।

पछिल्लो समय स्टार्टअप्सलाई अघि बढाउन सरकारले विभिन्न नीतिगत व्यवस्था समेत गर्दै आएको र त्यसलाई कार्यान्वयनमा ल्याउनको लागि सरकारसँग सहकार्यक्रमा समेत काम गर्न सकिने थापाको भनाई छ ।

उक्त कार्यक्रममा स्टार्टअप्सले लगानीका लागि प्रस्ताव पनि पेस गर्न सक्ने बताइएको छ भने फेस्टमा सहभागिता जनाउनको निमित्त कन्फीडिरेसन अफ नेप्लिज इन्डस्ट्रिज योङ आन्ट्रपेनुअर्स फोरमको अधिकारिक वेबसाइटमा गई जेठ २७ गतेसम्म आवेदन दिन सकिने आयोजकले जनाएको छ ।

स्टार्ट अपहरुलाई लगानिको व्यवस्था मिलाउनको लागि आयोजकले ४ मिलियन डलर बाराबरको आसयपत्रमा हस्ताक्षर समेत गरिसकेको दाबी गरेको छ ।

फेस्टमा विविन्न विधाका ७ ओटा स्टार्टअप्सहरुलाई सम्मान्नित सेमत गरिने छ । एक दिने उक्त कार्यक्रममा प्यानल डिस्कसन इन्भेस्टर डेटिङ्ग रोबोटिक फूटबल, ड्रोन गतिविधी तथा सांगितिक कन्सर्ट । जस्ता कार्यक्रम पनि समावेश गरिएका छन् ।