पश्चिमनवलपरासीको सरावल गाउँपालिका पनि एमालेले जित्यो, चौधरी बने अध्यक्ष

रुपन्देही । पश्चिमनवलपरासीको सरावल गाउँपालिकाको अध्यक्ष उपाध्यक्षमा नेकपा एमालेका उम्मेदवार विजयी भएका छन् । अध्यक्षमा एमालेका सुखाडीप्रसाद चौधरी निकटम प्रतिद्वन्द्वीलाई दुई हजार ९७० मतको फराकिलो अन्तरले पछि पार्दै निर्वाचित भएका हुन् ।

चौधरीले सात हजार ५९ मत ल्याएर नेपाली कांग्रेसका अनिलकुमार गौडलाई पराजित गरेका हुन्। गाउँपालिका उपाध्यक्षमा पनि एमालेकै बासमति हरिजन विजयी भएकी छिन् । विजयी हरिजनले पाँच हजार ७४३ मत ल्याइन् भने उनकी निकटम प्रतिद्वन्द्वी निवर्तमान उपाध्यक्ष समेत रहेकी नेपाली काङ्ग्रेसकी उत्तमा रायले पाँच हजार ३४९ मत प्राप्त गरेकी छन् ।

७ वडा रहेको यस गाउँपालिकामा दुई वटा वडामा एमाले, तीन वटा वडामा काङ्ग्रेस र एक–एक वडामा माओवादी केन्द्र र राप्रपाले जित हासिल गरेका छन् । यसअघि गाउँपालिका अध्यक्षमा तत्कालीन फोरम लोकतान्त्रिक (पछि कांग्रेसमा समाहित) र उपाध्यक्षमा काङ्ग्रेसले जितेको थियो ।