सर्लाहीको धनकौल गाउँपालिकामा कांग्रेसको जित

सर्लाही । सर्लाहीको धनकौल गाउँपालिकाको अध्यक्षमा नेपाली कांग्रेसका रामआश्रय साह विजयी भएका छन् । उनले ४ हजार ४ सय ७७ मत प्राप्त गरे । निकटतम प्रतिस्पर्धी नेकपा माओवादी केन्द्रका फकिरा महतोले ३ हजार ३ सय ७८ मत ल्याए ।

उपाध्यक्षमा कांग्रेसकै अकली सहनी विजयी भएकी छिन् । उनले ४ हजार ५ सय ४ मत ल्याउँदा माओवादीकी निलम कुमारीदेवी सहनीले ३ हजार २ सय २५ मत प्राप्त गरिन् ।