सोनाक्षीले गरिन् इन्गेजमेन्टको संकेत !! को हुन् तस्बिरमा देखिएका युवक ?

मुम्बई । बलिउडकी चर्चित अभिनेत्री सोनाक्षी सिन्हाले सामाजिक संजालमा एक पोस्ट सेयर गरिन् जसले सबैलाई चकित बनाएको छ ।

अभिनेत्रीले सामाजिक सञ्जालमा केही तस्बिरहरू सेयर गरेकी छिन् जहाँ उनलाई एक युवकको साथमा आफ्नो रिङ औलामा भएको औंठीलाई शो गर्दै गरेको देख्न सकिन्छ।

उनको एउटा तस्बिरमा ती युवक उनको छेऊमा उभिएको र अर्को तस्बिरमा उनको हात पर्केको देखिएतापनि उक्त युवकको अनुहार भने देखिएको छैन।

उनले तस्बिरसँगसँगै एक स्टाट्स पनि पोष्ट गरेकी छिन, ‘आज मेरो लागी सबैभन्दा ठूलो दिन हो। मेरा ठूला सपनाहरु मध्ये एउटा सपना अब पूरा हुदैंछ। त्यसैले म यो सपनालाई हजुरहरुमाझ साझा गर्न पर्खन सक्दिन।’

सिन्हाको यी पोष्ट र तस्बिरहरु देखेपछि उनका प्रशंसकहरू खास कुरा के हो भन्ने विषयमा अलमल्ल परिरहेका छन्। कतिले उनलाई ईन्गेजमेन्ट भएको भन्दै बधाई दिईरहेका छन् भने कतिले सिन्हाको इन्गेजमेन्ट उनकै अफवाह फैलिएका प्रेमी जहीर इकबालसँग त भएन भन्ने कौतुहलतालाई कमेन्टमार्फत पोखिरहेका छन्।

२०१० मा फिल्म दबंगबाट आफ्नो अभिनयको सुरुवात गरेकी सोनाक्षीको हाल केही कुराको खुलासा गरेकी छैनन्। बलिउडमा औपचारिक रुपमा विवाहको सिजन सुरु भएकोले गर्दा कतै सिन्हाले नि विवाह गर्न आटेकी त हैनन् भन्ने लाग्नु सामान्य नै हो तर अभिनेत्रीले ईन्गेजमेन्ट गरेकी हुन् या आफ्नो इन्स्टाग्राम ह्यान्डलमा सेयर गरेका पोस्टहरू प्रचारात्मक हुन त्यो भने आगामी दिनमा प्रष्ट हुने छ।