मुनावर फारुकी बने ‘लक अप सिजन १’ को पहिलो विजेता

काठमाडाैं । शनिबार राति सम्पन्न रियालिटी शो ‘लक अप सिजन १’ को ग्रान्ड फिनालेमा अभिनेत्री पायल रोहतगीलाई पछि पार्दै मुनावर फारुकी पहिलो विजेता बन्न सफल भएका छन् ।

आधारभूत आवश्यकताका लागि ७० दिनसम्म संघर्ष गरेपछि फारुकी लक अपको विजेता घोषित भएका हुन् । मुनावरले फ्यानहरूबाट सबैभन्दा धेरै भोट र होस्ट कंगना रनौतको अनुमोदन पनि जितेर उपाधि हात पारेका हुन् ।

आफ्नो जीतपछि एक अन्तर्वार्तामा मुनावरले पायललाई कडा प्रतिस्पर्धा ठाने तापनि विजेताको रूपमा नदेखेको बताए । शनिबार राति कंगनाले मुनावरलाई शीर्ष तीनमा पर्न सफल हुनेहरूमध्ये पहिलो प्रतियोगीको रूपमा घोषणा गरे सगँसँगै उनले १८ लाखभन्दा बढी भोट पाएको खुलासा गरेकी थिइन् । शोबाट मुनावरले २० लाख नगद पुरस्कार, एउटा कार र इटाली यात्राको लागि सबै खर्च–भुक्तानी प्राप्त गरेका छन् ।

मुनावर फारुकी एक भारतीय स्ट्यान्ड–अप कमेडियन र र्‍यापर हुन् ।