जिम्बावे ए विरुद्ध बलिङमा नेपालको राम्रो सुरुवात
नेपाल प्रेस
२०७९ वैशाख २४ गते ११:००
काठमाडौं । जिम्बावे ए विरुद्धको दोस्रो एक दिवसीय खेलमा टस जितेर फिल्डिङ रोजेको नेपालले बलिङमा राम्रो सुरुवात गरेको छ ।
नेपालका लागि करण केसी र सोमपाल कामीले उत्कृष्ट बलिङ गर्दै जिम्बावेका सुरुवाती क्रम र मध्यक्रमका ब्याटरलाई पेभेलियन फर्काइसकेका छन् ।
पहिलो बलमै करणले पहिलो एकदिवसीय खेलमा उत्कृष्ट प्रदर्शन गरेका ओपनर इनोसेन्ट कियालाई बोल्ड आउट गरेका थिए ।
यस्तै अर्का ओपनर चेफास जुवावो १० रन बनाएर आउट भए । जिम्बावे ए का अन्य ब्याटरले दोहोरो रन बनाउन सकेका छैनन् ।
जिम्बावे ए ले ११.४ ओभरमा ६ विकेट गुमाएर ३० रन जोडेको छ ।
करण केसी र सोमपाल कामीले समान तीन-तीन विकेट लिएका छन् ।
नेपाल प्रेस
प्रकाशित: २०७९ वैशाख २४ गते ११:००
प्रतिक्रिया
सम्बन्धित खवर
