बैतडी डिलाशैनीका माओवादी उम्मेदवार कुटिए, थप उपचारका लागि धनगढी पठाइयो
नेपाल प्रेस
२०७९ वैशाख २० गते १२:०१
कैलाली । बैतडीमा वडा सदस्यका उम्मेदवार कुटिएका छन् ।
गठबन्धनका तर्फबाट डिलाशैनी गाउँपालिका- ५ का माओवादी केन्द्रका वडा सदस्य उम्मेदवार करिब ६० वर्षका हरिराम साउँदमाथि गएराति साढे १० बजे घर जाँदै गर्दा बाटोमा कुटपिट भएको बैतडी प्रहरीले जनाएको छ ।
साउँदको टाउको, हात, मुखमा गहिरो चोट लागेको छ ।
खुकुरी प्रहारबाट घाइते भएका साउँदलाई गोकुलेश्वर अस्पतालमा उपचार हुन नसकेपछि धनगढी रेफर गरिएको जिल्ला प्रहरी कार्यालयका प्रवक्ता प्रहरी निरीक्षक लोकराज जोशीले नेपाल प्रेसलाई बताए ।
घटनामा संलग्न भएको आरोपमा स्थानीय अजित साउँदलाई प्रहरीले पक्राउ गरेको छ । घटनाबारे थप अनुसन्धान भइरहेको प्रहरीले जनाएको छ ।
नेपाल प्रेस
प्रकाशित: २०७९ वैशाख २० गते १२:०१
प्रतिक्रिया
सम्बन्धित खवर
