स्थापित र डंगोल समुदाय काठमाडौंका पुस्तैनी श्रमिक हुन्, त्यसैले एमालेका उम्मेदवार- ओली (भिडिओ)
नेपाल प्रेस
२०७९ वैशाख १८ गते १४:२३
काठमाडौं । नेकपा एमालेका अध्यक्ष केपी शर्मा ओलीले काठमाडौं महानगरपालिका हाँक्न आफूले अनुभवी र सक्षम मेयर तथा युवा उपमेयरसहितको उत्कृष्ट टिम जनतामाझ पठाएको दाबी गरेको छन् ।
मे दिवसको अवसरमा आइतबार काठमाडौंमा आयोजित जिफन्टको कार्यक्रममा अध्यक्ष ओलीले काठमाडौं बुझेको र विकासको अनुभव तथा भिजन भएको मेयर केशव स्थापित र महानगरको संस्कृति,सभ्यता बुझेकी भूमि पुत्री सुनिता डंगोल उपमेयर भएर काठमाडौं हाँक्ने बताए ।
उनले भने–काठमाडौंका सडक चौडा बनाउने,माइतीघर मण्डल बनाउने, धोबिखाला कोरिडोर, बागमती कोरिडोर अघि बढाउने व्यक्तिलाई एमालेले अघि बढाएको छ ।
केशव स्थापित काठमाडौं बुझेको र प्रशासन बुझेको, परिवर्तनको सोच र संकल्प भएको अनुभवी तथा नयाँ जोस जाँगरको सम्मिलन एमालेको टिम हो ।
आफूले अन्य दलका उम्मेदवारबारे टिप्पणी नगर्ने भन्दै अध्यक्ष ओलीले प्रतिस्पर्धा गर्ने सबैप्रति सम्मान रहेको तर विजय एमालेको निश्चित भइसकेकाले दाबी ओलीले गरे ।
ओलीले स्थापित र डंगोल समुदाय काठमाडौंका परम्परागत श्रमिक भएकाले श्रमिकको सम्मान गर्दै एमालेले उम्मेदवार बनाएको समेत बताए ।
तस्बिरहरु : गौरव पौडेल ।
नेपाल प्रेस
प्रकाशित: २०७९ वैशाख १८ गते १४:२३
प्रतिक्रिया
सम्बन्धित खवर
