जिम्बावे ए विरुद्ध हुने एकदिवशीय शृंखलाका लागि नेपाली टोलीको घोषणा
नेपाल प्रेस
२०७९ वैशाख १६ गते १५:३७
काठमाडौं । जिम्बावे ए विरुद्ध हुने एकदिवशीय क्रिकेट शृंखलाका लागि शुक्रवार नेपाली टोलीको घोषणा गरिएको छ ।
सन्दिप लामिछाने कप्तानीको टिममा युवा अलराउण्डर आदील अन्सारी तथा फास्ट बलर किशोर महतोले स्थान बनाएका छन् ।
यस्तै, ब्याट्सम्यान सुनिल धमलाले पनि ५ वर्ष पछि टिममा पुनरागमन गरेका छन् ।
आदीलले पपुवा न्यु गिनि र मलेसियासंगको टि-२० सिरिजमा राम्रो प्रदर्शन गरेका थिए।
१६ सदस्यीय टोलीमा करन केसी, सोमपाल कामी, कुशल भुर्तेल, सागर ढकाल, विक्रम सोब, किशोर महतो, सुनिल धमला, सुसन भारी र अदिल अन्सारी पनि रहेका छन् ।
नेपालले जिम्बावे ए सँग तीन वटा एकदिवशीय र तीन वटा टी-२० खेलको शृंखला खेल्दै छ ।
शृंखलाका खेलहरू शनिवारदेखि त्रिवि क्रिकेट मैदानमा सुरु हुनेछन् ।
नेपाल प्रेस
प्रकाशित: २०७९ वैशाख १६ गते १५:३७
प्रतिक्रिया
सम्बन्धित खवर
