नेपाल सरकारका पूर्वसचिव केदार न्यौपाने राप्रपामा प्रवेश
नेपाल प्रेस
२०७९ वैशाख १३ गते १५:१३
काठमाडौं । नेपाल सरकारका पूर्वसचिव केदार न्यौपाने राष्ट्रिय प्रजातन्त्र पार्टीमा प्रवेश गरेका छन् । निजामती सेवामा लामो समय बिताएका न्यौपाने भूमिसुधार मन्त्रालय, प्रधानमन्त्री तथा मन्त्रिपरिषदको कार्यालयमा सचिव हुँदै युवा तथा खेलकुद मन्त्रालयबाट हालै अवकास भएका थिए ।
गृह, स्थानीय विकास जस्ता मन्त्रालयको समेत अनुभव संगालेका न्यौपानेलाई मंगलबार राप्रपा अध्यक्ष राजेन्द्र लिङ्देनले पार्टीको सदस्यता प्रदान गरी राप्रपामा प्रवेश गराएका हुन् ।
सो अवसरमा राप्रपाका पूर्वअध्यक्ष डा. प्रकाशचन्द्र लोहनी, दीपक बोहरालगायतका नेताले न्यौपानेको राप्रपा प्रवेशले पार्टीलाई महत्त्वपूर्ण योगदान पुग्ने बताए ।
न्यौपानेभन्दा अघि पूर्वसचिव केदारबहादुर अधिकारी पनि राप्रपामा प्रवेश गरिसकेका छन् ।
नेपाल प्रेस
प्रकाशित: २०७९ वैशाख १३ गते १५:१३
प्रतिक्रिया
सम्बन्धित खवर
