आमाकाे सम्मानमा  रानीको ‘मेरी आमा’ सार्वजनिक

काठमाडाैं । मातातीर्थ औंसी अर्थात आमाको मुख हेर्ने दिन नजिकिँदै जाँदा गीतसंगीतमा पनि आमाको माया र मर्म बोल्ने भावहरु व्यक्त हुन थालेका छन् ।

यसैबीच अमेरिकामा रहेर गीतसंगीतमा सक्रिय गायिका रानी शाक्यले ‘मेरी आमा’ बोलको गीत सार्वजनिक गरेकी छिन् । यो गीतमा सन्तोष आलेको शब्द तथा संगीत रहेकाे छ । गीतमा छोरीले आफ्नी आमालाई गर्ने प्रेम र आमाको महिमालाई प्रस्तुत गरिएको छ ।

गीतको भिडिओमा कलाकार गौरी मल्ल, मोडल गीता ढुंगानालाई आमा–छोरीको भूमिकामा देख्न सकिन्छ । साथमा भिडिओमा विजयराज भुर्तेल, निरिस्का स्थापितको पनि अभिनय छ ।

नमराज घिमिरेको छायांकन रहेको भिडियोमा विजयराजको सम्पादन छ । देव धिमालले यो गीतको भिडियोलाई निर्देशन गरेका हुन् ।
भिडियोलाई निर्देशक देवले मार्मिक बनाएका छन् ।

एक बिरामी आमालाई छोरीले गरेको मायालाई भिडिओमा प्रस्तुत गरिएको छ ।