को हुन् वर्षाका श्रीमान् ?

काठमाडौं । नायिका वर्षा शिवाकोटीले आज लगनगाँठो कसेकी छन्। नायिका केकी अधिकारीले सट्याकसुटुक बिहे गरेको भोलिपल्ट वर्षाले पनि बिहे गरेकी हुन् ।

अमेरिका बस्दै आएका आशिष गेलालसँग वर्षाको विवाह भएको हो । उनी टिकटक स्टार प्रिन्सी-प्रिज्मा खतिवडाका आफन्त हुन् ।

वर्षा ती पुरुषसँग केही समयदेखि रिलेसनसीपमा थिइन् । स्रोतका अनुसार काठमाडौंको बालुवाटारमा घर भएका आशिष इन्जिनियर हुन् ।

वर्षा दुई महिनाअघि मात्रै अमेरिका गएर फर्किएकी थिइन् । त्यहीबेला विवाहको निधो भएको अनुमान गरिएको छ । विवाहमा सीमित आफन्त र साथीभाइलाइ बोलाइएको छ । धेरै चलचित्रकर्मीहरू उनको विवाहबारे जानकार छैनन् ।