अमिताभदेखि शाहरुखसम्म, कुन बलिउड कलाकारको कति थियो पहिलो पारिश्रमिक ?

काठमाडौं । बलिउडमा नाम चलेका प्राय सबै कलाकार अहिले करोडपति छन् । एकदमै नाम चलेका सुपरस्टार अमिताभ बच्चन, शाहरुख खान, अक्षय कुमार लगायतका कैयौँ कलाकारहरूले त एउटा फिल्ममा सय करोडसम्मको आम्दानी गर्ने गरेको बताइन्छ ।

हाल करोडौँमा खेलिरहेका यी बलिउड सुपस्टारहरुले आफ्नो जीवनको पहिलो पारिश्रमिक कति लिएका थिए होलान् ? आज हामी बलिउडका केही चर्चित सुपरस्टारहरूको पहिलो पारिश्रमिक बारे चर्चा गर्ने छौँ ।

अक्षय कुमार

हाल बलिउडमा सर्वाधिक कमाइ गर्ने सुपरस्टारको रूपमा स्थापित अक्षय कुमारले आफ्नो जीवनको पहिलो पारिश्रमिकको रूपमा १५ सय भारु प्राप्त गरेका थिए ।

बलिउडमा आउनु पूर्व बैंककमा सेफको रूपमा कार्यरत रहँदा उनले सो पारिश्रमिक प्राप्त गरेको एक अन्तरवार्तामा बताएका छन् ।

शाहरुख खान

शाहरुख खान हाल बलिउडमा किङ्ग खानको नामले चिनिन्छन् । यती मात्र नभएर शाहरुख विश्वकै सर्वाधिक लोकप्रिय अभिनेता पनि हुन् । चलचित्र र विज्ञापन मार्फत बलिउडका धनाढ्य अभिनेताका रूपमा स्थापित शाहरुखको पहिलो कमाइ मात्र ५० भारु थियो । उनले सो पारिश्रमिक पंकज उदासको कन्सर्टमा काम गर्ने समयमा प्राप्त गरेका थिए ।

अमिताभ बच्चन

बलिउडमा एङ्ग्री योङ्ग म्यानको नामले चिनिने अमिताभ बच्चन फिल्म क्षेत्रमा आउनु पूर्व कलकत्ताको एक शिपिङ कम्पनीमा काम गर्थे जहाँ उनको कमाइ मात्र ५०० भारु थियो ।

प्रियंका चोपडा

हाल बलिउडमा मात्र नभएर हलिउडमा समेत नाम कमाइ सकेकी प्रियंका चोपडाले मोडलिङ मार्फत नै पहिलो कमाइ गरेकी थिइन् र उनको पहिलो कमाइ थियो ५ हजार भारु ।

दीपिका पादुकोण

हाल दीपिका बलिउडकी सर्वाधिक कमाइ गर्ने नायिका मध्येमा पर्छिन् । फिल्म सँगसँगै उनी पनि विभिन्न ब्राण्डहरुसँग अनुबन्धित छन् । यद्यपि उनको पहिलो कमाइ भने मात्र २ हजार भारु मात्र थियो ।

आमिर खान

थोरै तर अत्यधिक सफल हुन सक्ने प्रबल सम्भावना बोकेका चलचित्र मात्र खेल्ने अभिनेताको छवि बनाएका आमिर खानले पहिलो कमाइ चलचित्र बाटै गरेका थिए । उनको पहिलो पारिश्रमिक थियो ११ हजार भारु ।