महेश बाबुले लिए १ करोड १९ लाख बराबरको ‘अडी ई ट्रन’

काठमाडाैं । टलिउडका चर्चित महेश बाबुले इलेक्ट्रिक कार भएका कलाकारहरूको सूचीमा आफ्नो नाम थपेका छन् । दक्षिण भारतीय फिल्म इन्डस्ट्रीका सुपरस्टार महेश बाबुले हालै १.१९ करोडको नयाँ इलेक्ट्रिक गाडी ‘अडी ई ट्रन’ किनेका हुन् । अभिनेताले सामाजिक सञ्जालमा आफ्नो नयाँ खरिदको प्रशंसा गर्दै तस्बिर सार्वजनिक गरेका थिए।

श्रीमन्थुडु अभिनेता बाबुले सामाजिक सञ्जालमा आफ्ना फ्यानहरूसँग रु १.०१ करोडको अडी ई ट्रोनको मूल्य भारतमा १.१९ करोड पुगेको समाचार साझा गरे । साथसाथै उनले, ‘सफा, हरियो र दिगो भविष्य घर ल्याउँदै। अडी अनुभवको लागि उत्साहित’ भनेर आफ्नो सामाजिक सञ्जालमा स्टाट्स समेत लेखेका छन् ।

महेश बाबुले कार मात्र किनेका छैनन्, उनी नयाँ इलेक्ट्रिक भर्सनलाई प्रमोट गर्नका लागि अडीको नयाँ ब्रान्ड एम्बेसडर समेत भएका छन् ।

पछिल्लो समय हाइब्रिड र प्लगइन विद्युतीय सवारी साधनले कम इन्धन खपत हुने र वातावरणमैत्री पनि भएकाले लोकप्रियता पाइरहेको छ ।
भारतका धेरै सेलिब्रेटीहरू पनि वातावरणीय मुद्दालाई लिएर इलेक्ट्रिक कारहरूमा सर्दै छन् ।