निर्वाचन अधिकृत कार्यालयका साइनबोर्ड, लेटरप्याड र छापमा एकरुपता दिइने

काठमाडौं । निर्वाचन आयोगले बैशाख ३० गते हुने स्थानीय तह निर्वाचनमा सबै मुख्य निर्वाचन अधिकृत र निर्वाचन अधिकृतको कार्यालयमा प्रयोग गरिने साइनबोर्ड, लेटरप्याड र छापमा एकरुपता ल्याउने भएको छ ।

आयोगले मुख्य निर्वाचन अधिकृत र निर्वाचन अधिकृतको कार्यालयले प्रयोग गर्ने साइनबोर्ड, लेटरप्याड र छापमा एकरुपता कायम गर्न निर्देशन दिएको हो ।

आयोगले ७७ वटै जिल्लाका मुख्य निर्वाचन अधिकृत र ६७६ वटा निर्वाचन अधिकृत कार्यालयलाई प्रयोग गर्ने साइनबोर्ड, लेटरप्याड र छापको नमुना प्रदेश निर्वाचन कार्यालय र जिल्ला निर्वाचन कार्यालयमार्फत पठाउन पत्राचार गरेको आयोगका प्रवक्ता सहसचिव शालिग्राम शर्माले नियमित पत्रकार सम्मेलनमा जानकारी गराएका हुन् ।