बलिउडका टप टेन सेलिब्रेटी, कसको ब्रान्ड भ्याल्यू कति ?

मुम्बई । भारतका पूर्व क्रिकेट कप्तन विराट कोहली २०२१ को टप बलिउड सेलिब्रेटीको स्थान बनाएका छन् । उनको ब्रान्ड भ्याल्यू २२ प्रतिशतले १८.५७ करोड डलर (लगभग १५५ करोड भारु) मा झरेको छ। सन् २०२०मा २३.७७ मिलियन डलर (लगभग १८०० करोड भारु थियो। अर्थात् ब्रान्ड मूल्य करिब ४०० करोडले घटेको छ ।

कन्सल्टेन्सी फर्म डफ एण्ड फेल्प्सको सेलिब्रेटी ब्रान्ड भ्याल्यूएसन रिपोर्ट २०२१ काे जानकारी अनुसार टीम इन्डियाका कप्तान रोहित शर्मा ३२ मिलियन डलरको ब्रान्ड भ्याल्यूका साथ १३ नम्बरमा छन् भने महान भारतीय ब्याट्सम्यान सचिन तेन्दुलकर ४.७४ मिलियन डलर मूल्यका साथ ११ नम्बरमा छन् ।

भारतका अर्का पूर्व कप्तान एमएस धोनी २०२१ मा आफ्नो ब्रान्ड मूल्य ६‍.१२ मिलियन डलरमा ६९ प्रतिशतले बढेर पाँचौं स्थानमा रहेका छन् । धोनी २०२० मा ११ औं स्थानमा थिए ।

विराटपछि दोस्रो स्थानमा अभिनेता रणवीर सिंह परेका छन् । रणवीरको ब्रान्ड भ्याल्यू १५.८३ मिलियन डलर (लगभग १४०० करोड भारु) छ। रणवीर सिंहले अक्षय कुमारलाई पछि पार्दै यो स्थान हासिल गरेका हुन् । अक्षय कुमार अहिले १३.९६ बिलियन डलरको ब्रान्ड भ्याल्यूका साथ तेस्रो नम्बरमा छन् ।

६.८१ मिलियन डलरको ब्रान्डभ्याल्यूकी अभिनेत्री आलिया भट्ट सन् २०२० बाट दुई स्थान माथि उक्लिएर चौथो स्थानमा पुगेकी छिन् । प्रतिवेदनका अनुसार, २०२१ मा शीर्ष २० सेलिब्रेटीहरूको कुल ब्रान्ड भ्यालू १.२ बिलियन डलर हुने अनुमान गरिएको छ, जुन अघिल्लो वर्षको तुलनामा १२.९ प्रतिशतले बढेको छ।

साथै अमिताभ बच्चन ५४.२ मिलियन डलरको मुल्यांकनका साथ छैटौं स्थानमा छन् भने दीपिका पादुकोण ५१.६ मिलियन डलरसहित सातौं स्थानमा छिन् ।

हेर्नुस टप टेन बलिउड सेलिब्रेटीको ब्रान्ड भ्यालू :