पीएनजीविरुद्ध टस जितेर ब्याटिङ गर्दै नेपाल
काठमाडौं । पपुवा न्युगिनि(पीएनजी) विरुद्धको दोस्रो एकदिवसीय खेलमा नेपालले टस जितेर पहिला ब्याटिङ गर्ने निर्णय गरेको छ ।
त्रिवि क्रिकेट मैदानमा केहिबेरमा सुरु हुने खेलका लागि नेपालले टोलीमा एक परिवर्तन गरेको छ । कमलसिंह ऐरीलाई बेन्चमा राख्दै गुल्सन झा टोलीमा समेटिएका छन् ।
पहिलो खेलमा पीएनजीले दिएको २ सय ९३ रनको विजयी लक्ष्य पछ्याएको नेपालले ६ रनको नटकीय हार बेहोरेको थियो । आजको खेलमा नेपाली टोली जित लक्ष्यसहित मैदान उत्रिने छ
नेपालको प्लेइङ–११
कुशल भुर्तेल, देव खनाल, आरिफ शेख, दीपेन्द्रसिंह ऐरी, रोहित पौडेल, भीम सार्की, अनिल शाह (विकेटकिपर), सोमपाल कामी, गुलशन झा, सन्दीप लामिछाने र पवन सरार्फ ।