ब्रेकअप हल्लाबारे श्रद्धाले भनिन् ‘और सुनाओ ?’

मुम्बई । बलिउड अभिनेत्री श्रद्धा कपुर र रोहन श्रेष्ठको सम्बन्ध चिसिएकोबारे सञ्चारमाध्यमहरुमा चर्चा भइरहेको छ । श्रद्धाले हल्ला चलिरहँदा इन्स्टाग्राममा तस्बिर सेयर गर्दै ‘और सुनाओ ???’ भनेर आफ्नो प्रतिक्रिया व्यक्त गरेकी छिन् ।

श्रद्धा र रोहनले आफ्नो सम्बन्धलाई स्वीकार नगरे पनि उनीहरुको विवाहको हल्ला भने अहिले पनि चलिरहेको छ ।

श्रद्धा र रोहन विगत ४ वर्षदेखि सम्बन्धमा थिए । अन्तर्राष्ट्रिय सञ्चारमाध्यमका अनुसार रोहन श्रद्धाको जन्मदिनको पार्टीमा पनि सहभागी भएका थिएनन् । फेब्रुअरीमा नै दुवै अलग भएको बताइएको छ ।

गत वर्ष श्रद्धा र रोहनको विवाहको हल्ला चलेको थियो । यसबारे प्रतिक्रिया दिँदै अभिनेत्रीका बुवा शक्ति कपूरले रोहनका बुवालाई धेरै वर्षदेखि चिनेको हुँनाले रोहन पारिवारिक साथी हो भने ।