फिलिपिन्सविरुद्ध कुशल भुर्तेलको शतक, दिपेन्द्रसँग विशाल साझेदारी

काठमाडौं । टि–२० वल्र्डकप क्वालिफायर अन्तरगत फिलिपिन्सविरुद्धको म्याचमा नेपालका ओपनर कुशल भुर्तेलले शतक प्रहार गरेका छन् । उनको यो पहिलो अन्तर्राष्ट्रिय शतक हो ।

भुर्तेललले ५७ बलमा शतक हान्दा १ छक्का र १३ चौका प्रहार गरे । सुरुदेखि आक्रामक अन्दाजमा पेश भएका उनले फिलिपिन्सका बलरहरुलाई कुनै मौका नदिइ आफ्ना शटहरु खेले । अन्तर्राष्ट्रिय टि–२० मा शतक प्रहार गर्ने उनी नेपालका तेस्रो ब्याट्सम्यान हुन् । यसअघि पारस खड्का र ज्ञानेन्द्र मल्लले टि–२० अन्तर्राष्ट्रियमा शतक प्रहार गरेका थिए ।

भुर्तेललाई मध्यक्रमका दिपेन्द्रसिंह ऐरीले बलियो साथ दिएका छन् । यो जोडीले तेस्रो विकेटका लागि विशाल साझेदारी गरेपछि नेपाल २ सयभन्दा माथिको स्कोरतर्फ लम्किएको छ । उत्कृष्ट फर्ममा रहेका ऐरीले पनि अर्धशतक प्रहार गरेका छन् ।