आमिरको ‘लालसिंह चड्डा’ पोस्टपोन्ड भएपछि ‘ए मेरो हजुर ४’लाई राहत

काठमाडौं । आमिर खान स्टारर फिल्म ‘लालसिंह चड्डा’को प्रदर्शन मिति पोस्टपोन्ड भएको छ । मंगलबार विज्ञप्ति जारी गर्दै अभिनेता खानले आगामी साउन २६ गते (११ अगस्ट, २०२२)मा फिल्मको नयाँ प्रदर्शन मिति घोषणा गरेका हुन् ।

पूर्वनिर्धारित मिति अप्रिल (बैशाख १) बाट रिलिज पोस्टपोन्ड भएको उनले जनाएका छन् ।

अप्रिल १४ मा ‘केजीएफ २’ मात्र बलिउडमा रिलिज हुने भएको छ । आमिरको फिल्म पोस्टपोन्ड भएपछि अब केजीएफलाई बक्सअफिसमा सजिलो भएको छ ।

‘लालसिंह चड्डा’ पोस्टपोन्ड हुने भएपछि बैशाख १ मा रिलिज हुन लागेको झरना थापा निर्देशित नेपाली फिल्म ‘ए मेरो हजुर ४’लाई केही राहत मिलेको छ । यद्यपी, ‘केजीएफ च्याप्टर दुई’ आउने भएपछि भने चुनौति कायमै छ ।