२१औं ग्राण्डस्लाम जित्ने पहिलो पुरुष खेलाडी बने नाडाल
काठमाडौं । राफेल नाडालले कीर्तिमानी २१औं ग्राण्डस्लाम जितेका छन् ।
मेलबर्न पार्कमा आइतबार सम्पन्न वर्षको पहिलो ग्राण्डस्लाम अष्ट्रेलियन ओपनको फाइनल खेलमा यूएस ओपन च्याम्पियन ड्यानियल मेडभेडेभलाई २–६, ६–७, ६–४, ६–४,७–५को नतिजामा हराएका हुन् । यो जितसँगै उनी सबैभन्दा धेरै २१ पटक ग्राण्डस्लाम जित्ने पहिलो पुरुष खेलाडी बने ।
पहिलो र दोस्रो सेट गुमाएका नाडालले त्यसपछिका तीन सेटमा लगातार जित निकालेका थिए ।
उनले १३ पटक फ्रेन्च ओपन , युएस ओपन चार पटक, विम्बलडन र अष्ट्रेलियन ओपन समान २ पटक जितेका छन् ।
सन् २००९मा पहिलो पटक अष्ट्रेलियन ओपन जितेका नाडाल त्यसपछि चार पटक फाइनल पुगेका थिए ।
दुईपटक उपाधि भिडन्तमा जोकोभिचसँग हारेका थिए ।
नाडालसँगै समान २० पटक ग्राण्डस्लाम जितेका सर्बियन खेलाडी जोकोभिच र स्वीट्जरल्यान्डका रोजर फेडेररले अष्ट्रेलियन ओपन खेलेका थिएनन् ।
मेद्भेदेभले भने लगातार अष्ट्रेलियन ओपनको फाइनल हारेका हुन् गत सिजन फाइनलमा विश्व नम्बर एक नोभाक जोकोभिचसँग पराजित भएका थिए ।