मिस्टर नेपालसँगको डेटिङमा सुष्मा कार्की !

काठमाडौं । नायिका सुष्मा कार्की रिलेसनसिप र विभिन्न ‘कन्ट्रोभर्सी’ले चर्चामा हुन्छिन् । उनको नाम यसअघि फिल्म निर्देशक, कलाकार र गायकसँग जोडियो ।

यसअघि उनको रिलेसनसिप अनुप्रस्थ ब्यान्डका भोकलिस्ट निरन शाहीसँग थियो । निरनसँगको सम्बन्ध टुंगिएपछि सुष्मा सिंगल थिइन् । अहिले भने उनी सिंगलबाट मिंगल भएको खबर छ ।

पछिल्लो रिलेसनसिपबारे सुुष्मा स्वयमले सार्वजनिक गरेकी हुन् । यसैसाता इन्स्टाग्राममार्फत उनले प्रेमी र आफ्नो तस्बिर सेयर गर्दै आफू रिलेसनसिपमा रहेको बताएकी हुन् ।

सन् २०१७ का मिस्टर नेपाल अक्षयजंग रायमाझीसँगको रिलेसनसिपमा सुष्मा यतिबेला छिन् । उनी निकट स्रोतहरुले पनि सुष्मा र अक्षय केही समयदेखि डेटिङ गरिरहेको जनाएका छन् ।

अक्षय र आफ्नो तस्बिरमा सुष्माको क्याप्सन छ : माया सँधै हामीसँगै रहिरहोस् । यो सबै कुराको उत्तर पनि हो ।’ सुष्माको उक्त पोस्टमा अक्षयले लभ-रियाक्ट पनि गरेका छन् ।